Навальный: Соловьев — үшінші сорттағы ең дарынсыз журналист (ВИДЕО)

Қазақстан Сыртқы істер министрлігі атышулы ресейлік журналист Владимир Соловьев жүргізетін телебағдарламаға қатысушылардың 2 шілдеде айтқан пікіріне қатысты мәлімдеме жасады. 2 шілдедегі бағдарламаға қатысқандар «АҚШ Каспий теңізіне Астананың келісімімен әскери база орналастырмақ» деп айтқан еді.

Бұл туралы newsasia.kz порталы хабарлайды.

Осыған орай, біз танымал ресейлік саясаткер Алексей Навальныйдың «Коррупцияға қарсы күрес» қоры дайындаған Соловьев туралы фильмін оқырман назарына ұсынамыз.

Бұл фильмде Навальный Соловьевтің Кремльдің қуыршағы екенін айтып, шулы пікірлерді Соловьевке тікелей Ресей басшылығы айтқызады дегенге келтірген. Осындай мәлімдемелер мен даулы сөздер үшін, Навальныйдың зерттеуі бойынша, Соловьев биліктен қыруар қаржы да алатын көрінеді.

— Соловьев үшінші сортты ең дарынсыз журналист. Ол Путиннің басты сардары. Оның еш сөзіне сенуге болмайды, — деді Навальный.