Home Басты жаңалық «Жастарға айтар бір сөзім бар»: Елбасы өскелең ұрпаққа кеңес берді

«Жастарға айтар бір сөзім бар»: Елбасы өскелең ұрпаққа кеңес берді

Қазақстан президенті Нұрсұлтан Назарбаевтың телерадиокешені Instagram желісіндегі жеке парақшасында мемлекет басшысының архивтегі видеосы жариялады, – деп хабарлайды sputniknews.kz.

Кадрларда президент Назарбаев өскелең ұрпаққа ақыл-өсиет айтып отыр.

«Жастарға айтар бір сөзім бар. Қазіргі өсіп келе жатқан жастар дүние жүзінің бәрінде жұмыс істеуге болады. Солай ғой? Бүгін қазақтың бармайтын жері бар ма? Сонда сен барасың дағы, басқа елге, Африкаға барғанда өзіңнің заңыңды орнатасың ба оларға? Мен қазақпын, табыныңдар маған деп», – деп сұрайды мемлекет басшысы.

Назарбаевтың айтуынша, қазіргі жастар жаһанның азаматы болуы тиіс.

«Қазіргі жастарымыз – Дүние жүзінің азаматы болды. Өзінің жас кезінен әр адамның құқығын сақтауға, әр адамды түсінуге, әр адамды тыңдауға, соған үйрену керек. Сонда бізді сыйлайтын болады», – деп президент сөзін түйіндеді.

Айта кетсек, 2018 жылдың 5 қазанында мемлекет басшысы Нұрсұлтан Назарбаев «Қазақстандықтардың әл-ауқатының өсуі: табыс пен тұрмыс сапасын арттыру» атты жолдауында 2019 жылды Жастар жылы деп жариялауды ұсынды.

Ал сол жылдың 14 қарашасында президент Жастар жылын жариялау туралы жарлыққа қол қойды. Осылайша Қазақстан үкіметіне жастар жылын өткізу бойынша қажетті шараларды қабылдауды тапсырған болатын.

Check Also

Ақтауда кішкентай қызды көліктен итеріп құлатқан өзінің ағасы болып шықты (видео)

Ақтауда оқушы қызға дөрекілік көрсеткен ер адамның әрекеті көпшіліктің наразылығын туғызды…