Home Қоғам Жамбыл облысында 65 ауылда медициналық көмек көрсету нысаны жоқ
Қоғам - 18.03.2019

Жамбыл облысында 65 ауылда медициналық көмек көрсету нысаны жоқ

Мәселені шешу үшін өңірде биыл медициналық тірек, фельдшерлік-акушерлік пункт, амбулатория сияқты 40 нысан салынбақ.

Жамбыл облысында заманауи алғашқы медициналық-санитарлық көмек көрсету нысандарына зәру 65 елдімекен бар. Тіпті мұндай медициналық нысандар мүлдем жоқ ауылдар да тіркелген, деп хабарлайды 24.kz.

Өзекті мәселені шешу үшін өңірде биыл медициналық тірек, фельдшерлік-акушерлік пункт, амбулатория сияқты 40 нысан салынбақ. Жоспар мемлекеттік-жекеменшік әріптестік аясында жүзеге асырылады.

Сондай-ақ, Тараз қаласында жаңа онкологиялық диспансердің құрылысы жалғасып жатыр. Жалпы жобаның құны – 13,9 миллиард теңге. Оның биылға жоспарланған құрылыс жұмыстарына бюджеттен 3 милиардтан астам қаржы бөлінген.

«Жол картасы бойынша былтыр біз 39 нысан алғашқы санитарлық көмек нысандарын пайдалануға бердік. Оның ішінде 30-ы жекеменшік-әріптестік аясында. 2020 жылы 25 нысан соғылады. Сонымен біздің облысымызда алғашқы санитарлық көмектің қажеттілігі 10 пайызды қамтитын болады», – дейді облыстық денсаулық сақтау басқармасының басшысы Марат Жұманқұлов.

Check Also

Ақтауда кішкентай қызды көліктен итеріп құлатқан өзінің ағасы болып шықты (видео)

Ақтауда оқушы қызға дөрекілік көрсеткен ер адамның әрекеті көпшіліктің наразылығын туғызды…