Қоғам - 23.07.2019

Аудан әкімінің орынбасарын өртеп жіберді

Өзбекстанда Қашқадар облысы Яккабак ауданында кәсіпкер өзінің жаңадан салынған екі қабатты үйін, дүкенін және цехын сүріп тастамақ болған әкім орынбасарының үстіне жанармай шашып, өртеп жіберді деп хабарлайды Qamshy.kz ақпарат агенттігі CA-NEWS (UZ) сайтына сілтеме жасап.

Оқиға 20-шілде күні жүздеген куәгердің көз алдында болған.

Құрылысқа жауап беретін әкім орынбасары Мансур Туймаев үйді сүріп тастаудан бас тартқан техника жүргізушісінің жанына жиырма шақты адам алып келіп, оған дереу ғимараттарды қиратуды тапсырған.

Жәрдемақы берілмегендіктен, дүкенді бұзбай қоя тұруын сұраған кәсіпкердің сөзін құлаққа ілмеген әкім орынбасары Туймаевтың үстіне жанармай шашып өртеп жіберген. Шенеуніктің үстінде жанып жатқан лапылдаған отты жанындағы адамдар сөндіріп, оны жедел түрде ауруханаға алып барған.

Өзінің қарсылық осылай көрсеткен кәсіпкерді ІІм алып кеткен, ал әйел бала-шағасы полиция бөлімшесіне жеткізілді.

«Дүкен қожайыны мойынында көптеген несиесі бар екенін, жқолына үкімет беретін ақшаны алмайынша ғимаратты бұзуға рұқсат бермейтінін айтты. Туймаевтың бұл ашуын келтірді. Сөйтті де ол бульдозер отырып, барлығын өзі жасамақшы болды. Дүкеннің иесі оның бульдозерден түсуін талап етті. Қарсылық танытқан жағдайда өртеп жіберетінін ескертті. Бірақ әкім орынбасары ерегесіп бульдозерді оталдырды. Мұны көрген кәсіпкер Туймаевтың үстіне жанармай шашып, сіріңке жағып лақтырып жіберді. Бәр-ақ сәтте көліктің іші қызыл жалынға айналды. Айналадағылар өртті сөндіріп үлгерді. Ал әкім орынбасарын ауруханаға алып кетті»,- дейді куәгер.

Басқа да жандардың айтуынша, әкім орынбасары Мансур Туймаев бірнеше айлар бойы Яккабак ауданында тұратын халыққа қысым көрсетіп, олардың үйлері мен дүкендерін сүргізіп тастаған.

Check Also

Желіде Димаш Құдайбергеннің жаңа бейнебаяны шықты

Димаш Құдайбергеннің су жаңа Couldn’t Leave («Кете алмаймын») атты әні жарық көрді, ол Қыт…