Аша Матай «Қалаулым» бағдарламасын енді жүргізбейтін болды. Бұл туралы ол жобаға алғаш рет қонақ ретінде келіп мәлім етті. Тележүргізуші екі жылдай қызмет еткен жұмыс орнынан кетуіне не себеп болғанын да ашып айтқан, – деп жазады nur.kz.

Аша Матай бірінші мауысымнан бастап өзі жүргізіп келе жатқан «Қалаулым» бағдарламасында енді бой көрсетпейді.

Танымал тележүргізуші бұдан былай бағдарламаны тізгіндемейтінін тікелей эфир барысында хабарлаған.

«Көрермендеріміз өздері түсінген болар. Бүгіннен бастап «Қалаулымды» өзім жүргізбейтін боламын. Неге десеңіз? Оған біраз жайттар бар. Жақын арада жаңа жоба ашылады. Сол жобаға дайындалу үстіндемін. Дәл осы арнада көрермендерге жол тартатын болады. Бірақ мен «Қалаулымды» тастаған емеспін. Оны жанымдай жақсы көремін. Ол өзімнің балапаным» , – деп ағынан жарылды Аша Матай.

Аша Матайдың жобамен қоштасу сәті Instagram желісіндегі парақшаларында жарияланған.

Check Also

Ақтауда кішкентай қызды көліктен итеріп құлатқан өзінің ағасы болып шықты (видео)

Ақтауда оқушы қызға дөрекілік көрсеткен ер адамның әрекеті көпшіліктің наразылығын туғызды…