қызылорда
Home Қоғам Қызылордада жеке тұрғын үйден өрт шықты: үш жасөспірім көз жұмды
Қоғам - 10.01.2019

Қызылордада жеке тұрғын үйден өрт шықты: үш жасөспірім көз жұмды

9 қаңтар күні Ақсуат ауылдық округіне қарасты Наурыз саяжайында өрт оқиғасы орын алды. Жарты сағат ішінде өрт толық өшірілді. Оқиға салдарынан үш жасөспірім ауыр дәрежелі уланудан көз жұмды. Зардап шеккен отбасына жергілікті билік тарапынан жан-жақты көмек көрсетілетін болады, – деп хабарлайды newsasia.kz ақпарат агенттігі.

Облыстық жұмылдыру дайындығы басқармасының мәліметіне сәйкес, 2019 жылдың 9 қаңтар күні 19 сағат 29 минут шамасында Қызылорда қаласы, Наурыз саяжайы, Махмұтов көшесі н/з үйдің кіре беріс бөлмесінде төбе жабындысына дейін өрт шарпумен тұрмыстық заттардың өртенуі (көрпе-төсек, жиһаздар т.б.) оқиғасы орын алды (өрт көлемі 5х3 ш.м.).

Көлемі 15х5 ш.м. болатын 5 бөлмелі үй иесі Сәдуова Жәмилә Ибрагимқызы 1986 ж.т., Құлмағамбетов Жасұлан Тұрсынбекұлы 1988 ж.т. (Атырау қаласында вахталық әдіспен жұмыс істейді).

Оқиға салдарынан аталған үйдің тұрғындары 2011 ж.т. Тұрсынбек Алдияр (264 орта мектептің 2 сынып оқушысы), 2012 ж.т. Тұрсынбек Алинұр (233 мектептің мектепалды даярлық сынып оқушысы) облыстық жедел-жәрдем стансасының топ жасағы (бригадасы) оқиға орнына жеткенге дейін, ал 2014 ж.т. Тұрсынбек Абзал облыстық балалар ауруханасына жеткізу жолында қайтыс болды. Үш жасөспірім де өкпе ісінуі және көміртек тотығынан ауыр дәрежелі уланудан көз жұмды.

Сонымен қатар, өрттен баларды арашалауға келген көршілес М.Тұрғанбаев көшесінің тұрғындары 1971 ж.т. Айтбаев Нартай және 1978 ж.т. Жылтырова Гүлнұр оқиға орнынан балаларды алып шығып, әртүрлі дене жарақаттарымен облыстық медицина орталығына жеткізілді.

Н.Айтбаев жансақтау бөліміне жатқызылды, Г.Жылтырова дәрігерлік көмек алып, үйіне қайтарылды. Екі зардап шегушіге де «Көмірқышқыл газынан ауыр дәрежедегі улану» диагнозы қойылды.

Оқиға орнына ауылдық округ әкімі мен қызметкерлері, жергілікті полиция қызметінің 4 қызметкері (2 автокөлік), Тасбөгет полиция бөлімінен 10 қызметкер (3 автокөлік), 7 арнайы техника мен 19 төтенше жағдайлар департаментінің мамандары, 2 «жедел жәрдем» бригадасы (2 дәрігер, 2 медбике), Қалалық электр тарату торабынан 1 техника, 2 қызметкер жұмылдырылды.

Өрт 19 сағат 55 минут шамасында толық өшірілді. Қазіргі уақытта өрттің шығу себебі анықталуда және тергеу жұмыстары жүргізілуде. Қайтыс болған балалардың анасы мен әжесі туыстарының үйіне жеткізілді.

Check Also

Нұрсұлтан Назарбаев: Елімізде саяси бәсеке бар

Елбасы «Nur Otan» партиясы кандидатының Республикалық қоғамдық штабының мүшелерімен кездес…