Қызылорда, баспана, тұрғын үй, қоғам, халық, әлеумет, өңір
Home Басты жаңалық Қызылордада Жаңа жыл қарсаңында 60 отбасы баспаналы болды

Қызылордада Жаңа жыл қарсаңында 60 отбасы баспаналы болды

Қызылордада 60 пәтерлі тұрғынүй пайдалануға берілді. Жаңа баспанаға бюджеттік ұйымдардың қызметкерлері, кезекте тұрғандар мен көпбалалы отбасылар ие болды, – деп хабарлайды newsasia.kz ақпарат агенттігі.

Облыс әкімі Қ.Көшербаев жаңа пәтер иелерін келе жатқан жаңа жылмен құттықтап, соңғы жылдары аймақта көптеген әлеуметтік және бизнес-нысандар, тұрғынүйлер мен өнеркәсіп орындары салынғанын атап өтті.

«Тек осы жылдың өзінде қаржыландырудың барлық көздері есебінен облыс орталығында 402 мың шаршы метрге жуық тұрғынүй пайдалануға берілді. Бүгінгі күні қалада 2052 пәтерге арналған 46 көпқабатты үй, оның ішінде 1272 пәтерге арналған 31 үй – жеке инвесторлар есебінен салынуда.  Қуаныштарыңыз құтты болсын», – деді аймақ басшысы.

Жаңа үйдің кілтін алған Батыр ана – Бибіайым Әлібекова облыс әкіміне ризашылығын жеткізді.

«Мемлекет басшысы мен облыс әкіміне мыңдаған отбасына тұрғын үй мәселесін шешуге көмектескендері үшін алғыс айтамыз. Барлығыңыздың еңбектеріңізге табыс, отбасыларыңызға бақыт тілеймін. Жаңа баспаналы болуды армандаған барша қызылордалықтар көп ұзамай  қоныс тойын тойласын!»-деді Бибіайым Әлібекова.

Айта кетейік, 60 пәтерлі үйдің жалпы ауданы-4 085 ш. м.

Соңғы 6 жылда Қызылорда облысында 14 жаңа шағын аудан, оның ішінде Сырдария өзенінің сол жағалауындағы жаңа қаладағы бірінші шағын аудан нысандары бой көтерді.   Тек осы жылдың өзінде өңірде 1222 пәтерге арналған 56 көпқабатты үй, яғни 600 мың шаршы метрден астам тұрғын үй (2013 жылы 270 мың шаршы метр) салынды.

Check Also

Асқар Мамин: Жұмысшылардың құқықтарының кемсітілуіне жол бермеу керек

ҚР Премьер-Министрі Асқар Мамин жұмыс сапарымен Қазақстанның жетекші өнеркәсіптік өңірлері…