Home Қоғам Қазақстанда жыл басынан балаларға қатысты 78 зорлық-зомбылық оқиғасы тіркелген
Қоғам - 03.09.2018

Қазақстанда жыл басынан балаларға қатысты 78 зорлық-зомбылық оқиғасы тіркелген

Жыл басынан бері 8 айдың ішінде елімізде балаларға қатысты 78 зорлық-зомбылық жағдайы тіркелген. Бұл туралы Үкіметтің баспасөз орталығында өтіп жатқан брифинг барысында Парламент Сенатының депутаты, Қазақстанның Бала құқықтары жөніндегі уәкілі Сәуле Айтпаева мәлім етті, деп хабарлайды ҚазАқпарат.

Брифинг барысында Сәуле Айтпаеваға балаларға қатысты зорлық-зомбылық жағдайын алдын алу үшін қандай жұмыстар атқарылып жатқаны туралы сұрақ қойылды.

«Қазір еліміздегі 8 айлық статистика біздің барлығымыздың қолымызда тұр. Оған қарасақ, балаларға 78 зорлау жасалған. Ол (аталмыш жағдайлар — авт.) сексуалды сипатта болған. Кішкентай балалар. Баланы өлтіру де, балалардың өз-өзіне қол жұмсауы да бар. 124 бала биыл өмірмен қош айтысты. 2008 жылғы екі бала өздері қылмыс істеді», — дейді ҚР Бала құқықтары жөніндегі уәкіл.

Оның айтуынша, мұндай жағдайдың алдын алу мақсатында жауапты органдар тың жоспар әзірлеуде.

«Осының бәріне бір жауап іздеуіміз керек. Неге осындай болып жатыр? Осы ретте Ішкі істер министрлігі, прокуратура, БҒМ барлығы бірлесіп, жоспар жасады. Сол жоспарда жас балаларға қалай жүріп, қалай тұруы керектігі толығымен жазылған. Бала мен ата-ана зорлық-зомбылыққа тап болмас үшін қандай жұмыс жүргізу керек? Құқық қорғау органдары қандай шараларды қолға алуы тиіс? Соны (жоспарды -авт.) қайтадан жаңартып жатырмыз», — дейді Сәуле Айтпаева.

Check Also

Асқар Мамин: Жұмысшылардың құқықтарының кемсітілуіне жол бермеу керек

ҚР Премьер-Министрі Асқар Мамин жұмыс сапарымен Қазақстанның жетекші өнеркәсіптік өңірлері…