Атырау, Ноғаев, барымта, ұрлық
Home Басты жаңалық Атыраудағы мал ұрлықтарында Ноғаевтың орынбасарының есімі аталды

Атыраудағы мал ұрлықтарында Ноғаевтың орынбасарының есімі аталды

Атырауда жыл бойы қолды болып келе жатқан мал ұрлығында облыс әкімі Нұрлан Ноғаевтың орынбасарының есімі аталды, – деп хабарлайды newsasia.kz ақпарат агенттігі 31-арнаға сілтеме жасап.

Нақтысы, лауазымды шенеуніктің інісі бірнеше рет жылқымызды барымталады деген күдікке ілінгенімен құзырлы органдардан құтылып кетеді дейді малшылар.

«Малымызды айдап әкетіп жатқан ұрыларға тосқауыл жоқ» деген үш бірдей ауданның жылқышылары жиналып, наразылыққа шықты.

Атырай облысына қарасты Махамбет, Исатай, Махат ауданының малшылары төзімі әбден таусылғасын БАҚ өкілдеріне шағымдарын айтты.

«Ол азамат бұрын заң қызметінде жұмыс істеген. Яғни, бұрынғы полиция қызметкері. Оны бұған дейін пара алып сотталған дейді. Қазір естуіміз бойынша, ол жігіт мына қылмыстан да құтылып кеткен екен. Енді оның ағасы облыс әкімінің орынбасары ғой»,- дейді жылқышы Биғали Мутиев.

Өңірдегі полиция өкілдері болса барымташының ұсталып, тергеу жұмыстарының жүріп жатқанын растады. Дегенмен, күдікті жәбірленушіге өтемақы төлеп, екі жақ ымыраластыққа келсе оларды жазадан босатуға мәжбүр болатындарын айтты.

Check Also

«Мына әкімдер қауіпті»: Иманғали Тасмағанбетовті Ресейдегі «айдаудан» алдыру керек – Қазыбек Иса

ҚАУІПТІ АЙМАҚТАРДАҒЫ ҚАУІПТІ ӘКІМДЕР Қазақ Елі осыдан 28 жыл бұрын Тәуелсіздік алғанын біл…