Home Қоғам Астанада ер адам жедел жәрдем фельдшерінің басына пышақ сұғып алды
Қоғам - 17.01.2019

Астанада ер адам жедел жәрдем фельдшерінің басына пышақ сұғып алды

Астанада жедел жәрдем фельдшері пышақ жарақатын алды. Бұл туралы ақпаратты қалалық денсаулық сақтау басқармасы растады, деп хабарлайды Tengrinews.kz порталына сілтеме жасап Stan.kz.

Оқиға 15 қаңтарда жедел жәрдем бригадасы қоңырау түскен үйге барған кезде орын алған.

Бригаданың аға фельдшері Ұлжан Зереханованың сөзінше, ер адам мас күйінде әйелін ұрып тастаған. Оқиға орнына келген жедел жәрдем әйелді алып кетпек болғанда ер адам онымен бірге кішкентай баласын әкетпегеніне ашуланыпты. Артынша дәрігерлерге жұдырық ала жүгіреді.

«Біз үйден шыққалы жатқанда ол асүй пышағын алып, әріптесімнің басының тұсына сұғып алды», – дейді фельдшер.

Оқиға орнына полиция шақырылған. Ал зардап шеккен фельдшер ауруханада жатыр. Жағдайы тұрақты.

Check Also

Асқар Мамин: Жұмысшылардың құқықтарының кемсітілуіне жол бермеу керек

ҚР Премьер-Министрі Асқар Мамин жұмыс сапарымен Қазақстанның жетекші өнеркәсіптік өңірлері…